Sefydliadau annibynnol, ledled y DU a gafodd eu datblygu gan grwpiau o ddiwydiannau dylanwadol - â phwysigrwydd economaidd neu strategol yn perthyn iddynt - dyna beth yw Cynghorau Sgiliau Sector (CSS). Yr Asiantaeth Datblygu Sgiliau Sector yw'r corff a sefydlwyd i fod yn gynhaliaeth i rwydwaith y CSS. Diwydiant sy'n arwain CSS ac maent wedi'u trwyddedu gan y llywodraeth i gymryd camau gweithredu er mwyn diwallu anghenion busnes a sgiliau eu sector.

'Yn gyfnewid, maent yn cael buddsoddiad cyhoeddus sylweddol a rhagor o drafodaeth gydag adrannau'r Llywodraeth ar hyd a lled y DU. Bydd hyn yn galluogi cyflogwyr [yn cynnwys yr hunangyflogedig] i gael llawer mwy o ddylanwad ar bolisïau sy'n effeithio ar sgiliau … a rhagor o ddylanwad ar bartneriaid addysg a hyfforddiant.' Gwefan yr

Asiantaeth Datblygu Sgiliau Sector 2003)

Bydd Cyngor Sgiliau Sector ar gyfer y Diwydiannau Creadigol a Diwylliannol - gyda chefnogaeth cyflogwyr a phobl hunangyflogedig - yn sicrhau bod adnoddau ar gyfer hyfforddi sgiliau yn cael eu sicrhau yn genedlaethol, rhanbarthol ac yn lleol hefyd.

Dyma'r meysydd y bydd CSS Diwydiannau Creadigol a Diwylliannol yn gofalu amdanynt:

• Archifdai, llyfrgelloedd a gwasanaethau gwybodaeth
• Pob agwedd ar y Celfyddydau
• Crefftau
• Treftadaeth ddiwylliannol
• Dylunio

Bydd yn cynnwys sefydliadau fel theatrau, stiwdios dylunio, orielau, amgueddfeydd, unedau archeolegol, archifdai a llyfrgelloedd - bach a mawr. Bydd yn ymdrin ag ystod eang o alwedigaethau megis y canlynol - y dawnsiwr/wraig, y gwehydd, y crochenydd, y dylunydd graffig, yr archeolegydd, y curadur, y gwarchodwr, y llyfrgellydd a'r archifydd - yn cynnwys y bobl hynny sydd â chyfrifoldebau rheoli. Yn y pen draw bydd yn datblygu er mwyn cynnwys meysydd ychwanegol o'r byd creadigol a diwylliannol.

Yn ein barn ni mae'r ddau faes gwaith hwn yn cyd-fynd yn naturiol gyda'i gilydd. Dyma ddiffiniad yr Adran Diwylliant, Cyfryngau a Chwaraeon o'r diwydiannau creadigol a diwylliannol, sef 'y diwydiannau hynny sydd â'u gwreiddiau mewn creadigedd, sgil, a dawn unigol ac sydd â'r potensial i greu cyfoeth a swyddi trwy gynhyrchu a manteisio ar eiddo deallus'
('Dogfen Amlinellu'r Diwydiannau Creadigol 2001', yr Adran Diwylliant, Celfyddydau a Chwaraeon).

A gyda'i gilydd, bydd ganddynt lais nerthol i'r Llywodraeth i'w gynnig.

'Wrth gwrs, canlyniad hyn i gyd yw'r budd pwysicaf un: gweithlu mwy medrus, effeithlon a llawn boddhad … Mae'r achos o blaid busnes a diwydiant yn glir. Mae asiantaethau'r Llywodraeth sydd â'r cyfrifoldeb dros ddysgu, menter a datblygu yn elwa hefyd, gan greu partneriaethau cryf, strategol gyda Chynghorau Sector Sgiliau.'
('Gwahoddiad i Gau'r Bwlch', yr Asiantaeth Datblygu Sgiliau Sector 2002).

Mae diwydiannau creadigol a diwylliannol y DU yn cynhyrchu oddeutu £112 biliwn i'r economi bob blwyddyn ac yn cyflogi mwy na miliwn o weithwyr. Mae allforion yn cyfrannu mwy na £8 miliwn at y fantolen fasnach ac mae'r diwydiannau yn cyfrif am fwy na 7% o'r Cynnyrch Mewnwladol Crynswth ('Dogfen Amlinellu'r Diwydiannau Creadigol 2001' a 'Ffeil Ffeithiau'r Diwydiannau Creadigol': Yr Adran Diwylliant, Celfyddydau a Chwaraeon). Mae'n gyfraniad aruthrol - ond er mwyn cynnal y cyfraniad hwn, rhaid i ni sicrhau bod ein gweithlu yn meddu ar y sgiliau sydd eu hangen i gyd-fynd ag anghenion diwydiant pan maent yn newid - neu fel arall fe gawn ein hanwybyddu.

Yn fwy a mwy y dyddiau hyn mae'r Llywodraeth yn awyddus i gyllido hyfforddiant yn unig yn y diwydiannau hynny lle mae'r diwydiant ei hun yn achub y blaen. Yn y dyfodol bydd yn dyrannu cronfeydd ariannol i ddatblygu hyfforddiant a sgiliau - trwy'r CSS yn unig.

O ystyried pethau yn feunyddiol efallai bod y materion hyn yn swnio'n wahanol i'w gilydd ond os nad ydym yn gweithredu nawr yna fe fydd y gweithwyr, ar bob lefel, yn gorfod dioddef y canlyniadau yn y dyfodol. Heb Gyngor Sgiliau Sector ni fyddwn yn gallu dal ati i ddatblygu hyfforddiant, cymwysterau a safonau proffesiynol. Bydd y cyllid ar gyfer prosiectau yn dod i ben a bydd ein hygrededd wedi mynd.

Bydd CSS i'r Diwydiannau Creadigol a Diwylliannol yn darparu:

• llais cenedlaethol ar gael er mwyn cael cyngor ynghylch bylchau mewn sgiliau.
• cymorth i ymdopi ag anghenion sgiliau sy'n newid o hyd.
• y cyfle i ddylanwadu ar ffurfio polisi.
• y tawelwch meddwl o wybod bod yr agenda yn cael ei gynnal gan ac ar gyfer y sector.
• corff cenedlaethol i roi'r ddadl dros raglenni datblygu cyllid.
• mwy o ddylanwad ar bartneriaid mewn addysg a hyfforddiant.
• rhagor o gyfle i ymuno â rhaglenni hyfforddi.
• cyfleoedd i ffurfio partneriaethau rhwng aelodau.
• y cyfle i ddatblygu gwaith gyda diwydiannau eraill o fewn y CSS.
• cysylltiadau â chyrff arbenigol sy'n gweithio mewn meysydd fel rheoli.
• siarad ag un llais gyda'r Llywodraeth.

Bydd diwydiannau (gan gynnwys cyflogwyr a phawb sy'n hunangyflogedig) yn chwarae rhan allweddol yn y Cyngor Sgiliau Sector - yn wir ni fydd yr un o'r CSS yn cael caniatâd i ganlyn arni, heb gefnogaeth bendant gan ddiwydiant.

Byddant yn defnyddio'r wybodaeth sydd ganddynt am eu sector i ddweud ble mae'r bylchau mewn darpariaeth hyfforddiant, rhoi cyngor ynghylch y sgiliau sydd eu hangen er mwyn ymdopi â'r tueddiadau sy'n datblygu, sicrhau bod profiad ymarferol yn cyfrannu at ffurfio polisi ac yn rhoi gerbron y buddsoddwyr yr achos o blaid cyllido rhaglenni hyfforddi a datblygu. Bydd yr uwch swyddogaeth hon yn golygu bod diwydiannau yn cael llawer mwy o gyfle i ddweud eu dweud am lunio eu sector a chryfhau'r dylanwad a gânt ar bartneriaid mewn addysg a hyfforddiant.

Mae'r ddadl o blaid CSS Diwydiannau Creadigol a Diwylliannol yn cael ei rhoi ar brawf trwy gyfrwng eich adborth chi; felly mae'n hollbwysig ein bod yn cael eich sylwadau barn chi. Mae'r Asiantaeth Datblygu Sgiliau Sector wedi egluro a rhestru'r broses ar gyfer y rhai hynny sy'n ceisio statws CSS. Y cam ffurfiol cyntaf fydd paratoi datganiad Mynegi Diddordeb sy'n gorfod derbyn cefnogaeth gan ystod eang o gyflogwyr yn y sector.

Rydym wedi cael ymateb ardderchog i’r gwahoddiad i ymuno â ni mewn ymdrech i gael ein cydnabod yn Gyngor Sgiliau Sector. Trwy gydol y broses cydnabyddiaeth CSS byddwn yn diweddaru rhestr ein partneriaid ac yn defnyddio’r holl ymatebion er mwyn ategu’r cais.

Rydym yn parhau i dderbyn cyflwyniadau mynegi cefnogaeth, felly byddwch cystal â dal ati i lenwi’r ffurflen adborth ar y dudalen Eich Sylwadau Barn Chi.

Unwaith y bydd datganiad Mynegi Diddordeb wedi'i dderbyn, bydd gan y sector chwe mis i baratoi a chyflwyno bid manwl, â chostau llawn, i'r SSDA. Bydd y gwaith hwn yn canolbwyntio ar feithrin gallu'r sector i fodloni Safon y CSS ac ar lunio cynllun busnes sy'n pennu'r blaenoriaethau a'r targedau am dair blynedd cyntaf y maes gweithredu. Ac yn ystod y cyfnod hwn bydd yr aelodau yn datblygu'r Cyngor Sgiliau Sector ac yn cyfarwyddo ei weithgareddau.

Ar gyfer y cam cyntaf, rydym yn gofyn i chi roi eich cefnogaeth i gyflwyno datganiad Mynegi Diddordeb er mwyn datblygu Cyngor Sgiliau Sector Creadigol a Diwylliannol.

Cafodd y wefan hollol ryngweithiol hon ei datblygu er mwyn bod yn gyfrwng dadlau/trafod ac i ddarparu gwybodaeth fanwl am broses y CSS.

Ar y wefan mae:

• cyfleuster ateb ar-lein ar gyfer eich sylwadau barn
• atebion i gwestiynau fel
• wybodaeth fanwl am broses y CSS
• cysylltiadau defnyddiol
• fersiwn Cymraeg o'r prosbectws a'r ffurflen ymateb.

• Cyngor y Celfyddydau Lloegr
• Cyngor y Celfyddydau Cymru
• Hyfforddiant Celfyddydau Cymru
• Cymdeithas Siartredig y Dylunwyr
• Cyngor Archeoleg Prydain
• Pobl Greadigol
• NTO - Treftadaeth Ddiwylliannol
• Dawns y DU *
• Adran Diwylliant, y Celfyddydau & Chwaraeon
• Grwp Ymgynghorol Dylunio
• Cymdeithas Busnes Dylunio
• Y Cyngor Dylunio
• Fforwm Crefft Cymru
• Cyngor y Theatrau Annibynnol *
• Sefydliad yr Archeolegwyr Maes
• Cymdeithas yr Amgueddfeydd
• Cynhadledd Genedlaethol Cyfarwyddwyr Amgueddfeydd
• Cyngor Amgueddfeydd Gogledd Iwerddon
• Fforwm Theatrau Opera a Cherdd *
• Undeb llafur Prospect (ar ran ei aelodau ymysg rheolwyr / staff arbenigol)
• Resource: Cyngor yr Amgueddfeydd, Archifdai & Llyfrgelloedd
• Cyngor Amgueddfeydd yr Alban
• Cymdeithas Theatr Llundain *
• Cymdeithas y Rheolwyr Theatr *
• Sgiliau'r DU (Fforwm Sgiliau Crefft).

• Mae'r cyrff celfyddydau hyn hefyd mewn cyswllt agos ag Equity, BECTU ac Undeb y Cerddorion.

Mae trafodaethau hefyd ar fynd gyda'r Cyngor Cerdd Cenedlaethol.


Er mwyn llwytho i lawr y prosbectws neu unrhyw ddogfennau eraill o ddiddordeb, ewch at yr adran llwytho i lawr.